Ullı insannıń tuwılǵan kúnine arnaldı

Rayonlıq Mektepke shekemgi hám mektep bilimlendiriw bólimine qaraslı 16-sanlı mektepte ózbek xalqınıń emes pútkil túrkiy áleminiń dańqlı perzenti Zahiriddin Muhammad Boburdıń tuwılǵan kúnine   543 jıl tolıw múnásibeti menen "Baburni yod olib" temasında ádebiy keshe bolıp ótti. Keshege Ózbekstan ekologiya partiyası deputatı Muxitbay Asqarov, Ózbekstan Ekologiyalıq Partiyası rayonlıq Keńesi baslıǵı Biybayım Bayımbetova qatnastı. Olar sózge shıǵıp, Baburdıń ómiri  tuwralı aytıp ótti.

Keshede oqıwshılar Baburdıń qosıqlardı yadqa oqıp, "Baburnama" shıǵarmasınan saxnalıq kórinis qoyıp berdi.
Bul keshe oqıwshılardıń ádebiyatqa degen qızıǵıwshılıǵın arttırarı sózsiz dep oylayman.

Nùrgùl  Nawrizbaeva
16-sanlì mekteptiñ òzbek tili pàni muģallimi