Avtomobilde jolawshı hám júk tasıw ushın licenziya alıw tártipleri
Licenziya talap etiletuǵın tasıwlar
Tómendegi kommerciyalıq tiykardaǵı tasıw jumısı licenziyalanadı:
qala, qala átirapı hám qalalar aralıq jónelislerde jolawshı tasıw;
xalıqaralıq jónelislerde jolawshı tasıw;
xalıqaralıq jónelislerde avtomobil transportında júk tasıw.
Ózbekstan aymaǵında ápiwayı júk tasıw ulıwma tártipte usı licenziyanı talap etpeydi. Licenziyalaw talabı tiykarınan xalıqaralıq júk tasıw jumısına engiziledi.
Jolawshılardı kommerciyalıq tiykarda tasıw yuridikalıq tárepler tárepinen ámelge asırıladı. Qala, qala átirapı hám qalalararalıq jónelislerde jeńil avtomobilde jolawshı tasıw menen ózin-ózi bánt etken shaxslar da shuǵıllanıwı múmkin.
Licenziya hám licenziya beti
Licenziya- tasıwshıǵa belgilengen xizmet túri menen shugıllanıw huqıqın beredi.
Tasıwda paydalanılatuǵın hár bir avtotransport quralı ushın óz aldına licenziya beti alınıwı shárt. Licenziya qaǵazısız transport quralında kommerciyalıq tiykarda jolawshı yamasa xalıqaralıq jóneliste júk tasıwǵa jol qoyılmaydı.
Licenziya hám licenziya beti QR-kod penen elektron túrde rásmiylestiriledi.
Licenziyalawshı uyımlar:
Xalıqaralıq jónelislerde jolawshı hám júk tasıwlar boyınsha licenziyalardı Transport ministrligi beredi.
Qalalıq, qala átirapı hám qalalar aralıq jónelislerde jolawshı tasıw licenziyaları:
Qaraqalpaqstan Respublikası Transport ministrligi;
wálayatlar transport basqarmaları;
Tashkent qalalıq transport basqarması tárepinen beriledi.
Múrájat etiw tártibi
Arza:
Mámleketlik xızmetler orayı;
Birden-bir interaktiv mámleketlik xızmetler portalı;
"Licenziya" málimleme sisteması arqalı beriledi.
Elektron múrájat tiyisli identifikaciya quralı - ERI, elektron qol tańba, Mobile-ID yamasa nızamshılıqta názerde tutılǵan basqa usıl menen tastıyıqlanadı.
Usınılatuǵın maǵlıwmatlar
Jaǵdayǵa qarap tómendegi maǵlıwmatlar talap etiledi:
arza beriwshi hám licenziyalanatuǵın jumis túri haqqındaǵı maǵlıwmatlar;
transport qurallarınıń dizimi;
transport qurallarınıń múlk, ijara yamasa basqa nızamlı paydalanıw huqıqı tiykarında tiyisliligi;
aydawshılardı medicinalıq tekseriwden ótkeriw imkaniyatı;
transport quralların jolǵa shıǵıwdan aldın texnikalıq kórikten ótkeriw shárti yamasa bul boyınsha qánigelesken shólkem menen dúzilgen shártnama;
ózin-ózi bánt etken shaxstıń sońǵı bir jıl ishinde medicinalıq tekseriwden ótkenligi haqqındaǵı maǵlıwmat.
Mámleketlik málimleme sistemalarındaǵı maǵlıwmatlar uyımlararalıq elektron birge islesiw arqalı alınadı. Reglamentte názerde tutılmaǵan qosımsha hújjetlerdi talap etiw qadaǵan etiledi.
Kórip shıǵıw múddeti
Ádette, 2 jumıs kúninde kórip shıǵıladı.
Ózin-ózi bánt etken shaxstıń jeńil avtomobilde qalalıq, qala átirapı yamasa qalalararalıq jóneliste jolawshı tasıw ushın bergen arzası real waqıt rejiminde - 10 minut ishinde kórip shıǵıladı.
Tólem ámelge asırılǵannan keyin QR-kodlı licenziya yamasa licenziya beti 10 minut ishinde elektron túrde jiberiledi.
Licenziya beti ushın mámleketlik bajılar
Licenziyanıń ózi berilgenligi ushın mámleketlik bajı óndirilmeydi. Mámleketlik bajı hár bir transport quralı ushın bir jıllıq licenziya betine óz aldına tólenedi:
14 orınǵa shekemgi avtobus yamasa mikroavtobus - 1 BEM;
14 orınlıqtan artıq avtobus - 2,5 BEM;
4 orınlıqqa shekemgi jeńil avtomobil - 2 BEM;
4 orınlıqtan artıq jeńil avtomobil - 3,5 BEM;
xalıqaralıq jóneliste 12 orınlıqtan artıq avtobus - 28 BEM;
xalıqaralıq jóneliste mikroavtobus - 22 BEM;
xalıqaralıq jóneliste jeńil avtomobil - 7 BEM;
ózin-ózi bánt etken shaxstıń aydawshıdan tısqarı tórt orınlıqtan kóp bolmaǵan jeńil avtomobili - 1 BEM;
xalıqaralıq júk tasıwda hár bir transport quralı - 7 BEM.
aydawshıdan tısqarı tórt orınlıqtan kóp bolmaǵan jeńil avtotransport quralında ózin-ózi bánt etken halda jolawshılardı qalalıq, qala átirapı hám qalalar aralıq tasıw - 1 BEM
BBMXP arqalı múrájat etilgende bul tólemlerdiń 90 procenti óndiriledi.
P.Reymkulov
Taxtakópir rayonı ádillik bólimi
Mámleketlik xızmetler orayı direktorı
