Saylawshılar menen ushırasıwı ótkerildi.

24-oktyabr kúni ótkeriletuǵın Ózbekstan Respublikası Prezidenti saylawına baylanıslı orınlarda siyasiy partiyalar tárepinen úgit-násiyat jumısları alıp barılmaqta.

Ózbekstan Respublikası Prezidentligine ÓzLiDePten talaban Sh.Mirziyoevtiń Qaraqalpaqstan Respublikası boyınsha isenimli wákili Abat Daniyarov Taxtakópir rayonı mádeniyat orayı imaratında saylawshılar menen ushırasıwı ótkerildi.

Isenimli wákil ushırasıw barısında talabannıń ómirbayanı, jumısları, saylaw aldı baǵdarlaması menen tanıstırıp, ótken bes jıl dawamında rawajlanıwdıń pútkilley jańa basqıshın baslap bergen tariyxıy hújjet – Háreketler strategiyası sheńberinde úlken jumıslar ámelge asırılǵanın mısallar menen atap ótpekte.

- Húrmetli talabanımızdıń kelesi jıllar ushın ámelge asırılıwı rejelestirilgen 5 jıllıq baǵdarlaması insan qádiri ushın xızmet etedi. Xalıqshıl siyasat ilgeri súriledi, Jańa Ózbekstan quramında Jańa Qaraqalpaqstan qurıladı, - deydi isenimli wákil Abat Daniyarov.

Taxtakópir rayonı hákimligi málimleme xızmeti