jáne bir XÍzmet kórsetiwdiń reglamenti tastÍyÍqlandÍ

Reglament mámleketlik emes yuridikalıq yamasa fizikalıq shaxs tárepinen mámleketlik múlk obektin menshiklestiriw ushın buyırtpa beriw boyınsha mámleketlik xızmetler kórsetiw tártibin belgileydi.
Usı reglament mámleketlik turaq-jay fondına qaraslı úydegi kvartiranı (úydiń bir bólegin) menshiklestiriwge qollanılmaydı.
Mámleketlik múlk obektin menshiklestiriw boyınsha arza beriwshi mámleketlik múlk obektin satıw ushın Mámleketlik xızmetler orayı yamasa Birden-bir ınteraktiv mámleketlik xızmetler portalı (keyingi orınlarda BBIMXP) arqalı buyırtpa beriwi múmkin.
Arza beriwshi óziniń turaqlı jasaw ornı yamasa waqıtsha esapta turǵan jayı boyınsha dizimge alınǵan ornına (yuridikalıq shaxslar jaylasqan pochta adresine) qaramastan, qálegen Mámleketlik xızmetler orayına barǵan halda yamasa BBIMXP arqalı buyırtpa beriwi múmkin.
Arza beriwshi mámleketlik xızmetten paydalanıw ushın Mámleketlik xızmetler orayına ózi kelip múrájat etedi yamasa mámleketlik xızmetlerden elektron formada paydalanıw ushın BBIMXPnan dizimnen ótedi.
Arza beriwshi Mámleketlik xızmetler orayına ózi kelip múrájat etkende buyırtpa Mámleketlik xızmetler orayı xızmetkeri tárepinen toltırılıp, arza beriwshi tárepinen tastıyıqlanǵannan keyin real waqıt rejiminde wákillikli uyımǵa elektron túrde jiberiledi. BBIMXP arqalı múrájat etilgende, buyırtpa avtomatikalıq tárizde wákillikli uyımǵa kelip túsedi.
Wákillikli uyım tárepinen arza kelip túsken kúnnen baslap 5 jumıs kúni ishinde kórip shıǵıladı.
Wákillikli uyım tárepinen buyırtpada qáte-kemshilikler anıqlanǵanda olardı saplastırıw ushın tiyisli túsindirmeler menen Mámleketlik xızmetler orayına (BBIMXP arqalı múrájat etilgende- arza beriwshige) qaytaradı.
Wákillikli uyım tárepinen buyırtpada kemshilikler anıqlanbaǵanda, 5 jumıs kúni ishinde tastıyıqlanǵan forma boyınsha xabarnamanı Mámleketlik xızmetler orayına (BBIMXP arqalı múrájat etilgende-arza beriwshige) jiberedi.
Mámleketlik xızmet kórsetilgenligi ushın jıyım pulı óndirilmeydi.

Marat ALLAMBERGENOV
                                                    Rayonlıq Ádillik bólimi 
Mámleketlik xızmetler orayı bólim baslıǵı