"Ең үлгили мектеп сәрдарлар Кеңеси" көрик таңлаўы

Районлық Мәденият бөлиминде Өзбекстан Жаслар аўқамы Тахтакөпир районлық Кеңесиниң шөлкемлестириўинде "Ең үлгили мектеп сәрдарлар Кеңеси" көрик таңлаўы болып өтти. Илажды өткериўден мақсет сәрдарлар Кеңеси ағзаларының өз-ара тәжирийбе алмасыўы арқалы олардың социаллық белсендилигин арттырыў, жаслар менен ислесиў көнликпелерин, дөретиўшилик ҳәм интелектуаллық қәбилетлерин  раўажландырыўдан ибарат. Таңлаў жуўмағында 3-санлы шет тили пәнине қәнигелестирилген мәмлекетлик улыўма орта билим бериў мектебниң сәрдарлар Кеңеси жеңимпаз деп табылып, гезектеги болып өтетуғын аймақлық басқышқа жоллама алды.

Тахтакөпир районы ҳәкимлигиниң мәлимлеме хызмети