Baspasóz konferenciyası saylaw uchastkasında ótkerildi

Búgin rayondaǵı mádeniyat orayı imaratında jaylasqan 433-saylaw uchastkasında baspasóz konferenciyası ótkerildi.

Sanawlı kúnlerden soń elimizde bolıwı kútilip otırǵan Ózbekstan Respublikası Prezidenti saylawına saylaw uchastkalarında úlken tayarlıq jumısları alıp barılmaqta. Taxtakópir rayonında 20 saylaw uchastkası bolıp, olardıń hár biri saylaw uchastkası baslıǵı, orınbasarı hám aǵzaları menen birgelikte saylawshılardıń sanın xatlaw, saylawǵa qatnasıw múmkinshiligi bolmaǵan puqaralardı anıqlaw, birinshi mártebe dawıs beriwshi jaslarǵa huqıqıy túsinik beriw jumısların alıp barmaqta.

Saylawǵa rayonımızdan 22237 saylawshı qatnasıwı kútilmekte. Sonday-aq, saylawda baqlawshılardıń huqıqı hám múmkinshilikleri, múddetinen burın dawıs beriw huqıqınan paydalanıw jáne taǵı basqa da jurnalistlerdi qızıqtırǵan sorawlarǵa 433 saylaw uchastkası arqalı tolıq maǵlıwmatlar aldı.

Taxtakópir rayonı hákimligi Málimleme xızmeti.