Xalıqtı dizimge alıw jumısları sońǵı ret qashan ótkerilgen?

Ózbekstanda sońǵı ret xalıqtı dizimge alıw jumısları 1989-jılda ótkerilgen. Ǵárezsizlik jıllarında Ózbekstan Respublikasında xalıqtı dizimge alıw ótkerilmegen. Xalıqtı dizimnen ótkeriw xalıq haqqında maǵlıwmatlar toplawdıń eń keń kólemli hám kóp maqsetli ılajı bolıp tabıladı. Málim bir sánede xalıqtıń anıq sanı (jası hám jınsı quramı, puqaralıǵı, milliy quramı), barlıq elatlı punktleri boyınsha sanı, shańaraq jaǵdayı, maǵlıwmat dárejesi, turaq-jay menen támiyinlengenlik dárejesi, miynet resursları, ekonomikalıq aktiv xalıq, bándligi (kásipi hám qánigeligi) hám jumıssızlıǵı, dáramat alıw dárekleri, mayıplıǵı boyınsha tolıq maǵlıwmat alınadı.
Mámlekette qansha adam, qanday social hám ekonomikalıq jaǵdaydalıǵı, qay jerde jasap atırǵanlıǵı, turmıs hám shańaraq tárizi, jumıs iskerligi hám basqalar haqqında real maǵlıwmat alıwǵa járdem beredi.
2020-jıl raundıda xalıqtı dizimnen ótkeriw dástúrleri 50 den aslam mámleketlerde ótkeriliwi joybarlastırılǵan edi.
Olar arasında kóp sanlı xalıqqa iye mámleketler - AQSH, Qitay, Rossiya Federaciyası, Yaponiya, Braziliya, Meksika bar. Qazaqstan, Qirǵizstan, Tájikstan xalqınıń ulıwma milliy dizimge alıw jumısları da 2020-jılǵa belgilengen edi. Ózbekstan hám Túrkmenstanda bolsa 2022- jılda ótkeriw joybarlastırılǵan edi. Biraq, dunya boylap gúzetilip atırılǵan koronovirus pandemiyası tásiri astında, xalıqtı dizimnen ótkeriw dástúrini 2020- jılda ótkeriwdi joybarlastırılǵan mámleketlikler bul dástúrdiń atqarılıwın basqa waqıtqa qaldırıwına tuwrı kelip atır. Sonı hám Respublikamız ǵárezsizlik jıllarında xalıqtı dizimge alıw ılajı dáslepki márte ótkerilip atırǵanlıǵı inabatqa alınıp, ılajǵa puqta tayarlanıw hám onı sapalı ótkeriw maqsetinde 2023-jılǵa kóshirildi. Bul húkimettiń 11-noyabrdegi sheshiminde belgilen edi.

Taxtako'pir rayoni statistika bolimi