Jumıstıń sapasın asırıw ushın

Ózbekstan Respublikası Prezidentiniń  2020-jıl 11-noyabr kúngi «2020-2023-jıllarda Qaraqalpaqstan Respublikasın kompleks sociallıq-ekonomikalıq rawajlandırıw is-ilajları haqqında"ǵı  qararı tiykarında Taxtakópir rayonındaǵı "Qońıratkól" hám "Marjankól" awıl puqaralar jıyınları awır aymaqlar qatarına kirgizildi. 
Bul aymaqlarda xalıqtıń jasaw jaǵdayın jaqsılawda xızmet etip atırǵan puqaralar jıyınları xızmetkerleriniń jumıs sapasın hám nátiyjeliligin jáne de asırıw, olarǵa sharayatlar jaratıw maqsetinde Qaraqalpaqstan Respublikası Máhálle hám shańaraqtı qollap-quwatlaw ministrligi tárepinen "Qońıratkól" hám "Marjankól" mákan puqaralar jıyınları imaratları mebeller hám kompiuter toplamları menen támiyinlendi.

Taxtakópir rayonı hákimligi málimleme xızmeti