Jol qurılısı dawam etip atır

Taxtakópir rayonlıq jollardan paydalanıw unitar kárxanası tárepinen «4N112 Taxtakópir-Múlik avtomobil jolınıń 1,5 km bólegin rekonstrukciyalaw» obektinde ulıuma paydalanıwdaǵı avtomobil jolların qurıw hám rekonstrukciyalaw direkciyası mámleketlik unitar kárxanası menen dúzilgen shártnama tiykarında, qurılıs-montaj jumısları alıp barılmaqta. 2021-jıldıń 7 ayı dawamında 7 562 442, 837 sumlıq jumıs kólemin orınladı. Atap aytqanda topıraq jumısları, qum-shagal aralaspasınan, shebennen joldıń tiykarın salıw jumısları, iri dánesheli asfalttan astıńǵı qabat asfalt jatqızıw jumısları, betonnan piyadalar jolın qurıw jumısları, jaqtılandırıw jumısları, temir-beton truba qurıw jumısları orınlandı.

Házirgi waqıtta ekinshi qabat mayda dánesheli asfalt jatqızıw jumısları, svetofor úskenesin qurıw jumısları, jol tutaspaların abadanlastırıw jumısları, avtobándirgi qurıw jumısları alıp barılmaqta. Jol qurılısı tolıq tamamlanıp, usı jıldıń 9 aylıq juwmaǵı menen paydalanıwǵa tapsırıladı.

Taxtakópir rayonı hákimligi málimleme xızmeti