Mámleketlik xizmetler orayları arqalı kórsetiletuǵın xızmetlerdi agent sıpatında kórsetiwdi qáleysizbe?  

Ózbekstan Respublikası Minisrtler Kábinetiniń 2021-jılı 19-aprel kúngi «Mámleketlik xizmetler kórsetiwde agentler iskerligin shólkemlestiriw is-ilájları haqqında»ǵı 221-sanlı qararı qabıl etildi.

Qararǵa muwapıq,  Agent – akkreditaciyadan ótken oqııw orayları tárepinen beriletuǵın sertifikatqa iye bolǵan,  mámleketlik xızmetler kórsetiw málimleme sisteması arqalı arza beriwshilerdiń maǵlıwmat hám hújjetlerin tiyisli mámleketlik organı yamasa shólkemge jiberiw hámde xızmet nátiyjesin arza beriwshige usınıs etiw iskerligin ámelge asırıwshı jeke tártiptegi isbilermen yamasa yuridikalıq shaxs bolǵan isbilermenlik subektiniń xızmetkeri. Agent - Mámleketlik xızmetlerdi kórsetiw huqıqın beriwshi sertifikatqa iye bolıwı ushın onıń jası hám maǵlıwmatına qaramastan jeke tártiptegi isbilermen yamasa yuridikalıq shaxs statusına iye bolǵan isbilermenlik subektiniń xızmetkeri bolıwı zárúr.

Isbilermenlik subʼekti onıń xızmetkerleri sertifikat alıwı ushın tómendegi talaplar belgilengen:

- mámleketlik xızmetti kórsetiw ushın keminde 15 m kv maydanǵa iye bolǵan imarattıń bolıwı;

- mámleketlik xızmetin kórsetiwshi hár bir xızmetker kompyuter hám basqa zárúr texnika menen támiyinlengenligi;

- keminde 5 adam ushın arnalǵan kútiw orınlıqlarınıń bolıwı;

- bank esap betine iye bolıwı;

- qadaǵalaw-kassa texnikası hám (yamasa) esap-kitap terminalları ornatılǵanlıǵı.

Agent bolıw ushın qaysı oqıw kurslarında oqıw kerek?

Oqıw kursları Mámleketlik xızmetler orayları tárepinen kórsetiletuǵın,  talapkerler tańlaǵan xızmetler túrleri boyınsha 40 saatlıq oqıw dástúri tiykarında oqıw orayınıń imáratında shólkemlestiriledi.

Isbilermenlik subekti tárepinen agent sıpatında kórsetiliwi qadaǵan etilgen mámleketlik xızmetler:

 - Isbilermenlik subektleri iskerligin toqtatıw hám saplastırıw;

- Tuwılǵanlıqtı dizimge alıw;

- Atalıqtı belgilew;

- Perzentlikke alıw;

- Neke dúzilgenligin dizimge alıw;

- Nekeden ajırasqanlıqtı dizimge alıw (er hám hayaldıń biriniń arzası tiykarında);

- Nekeden ajırasqanlıqtı dizimge alıw (er hám hayaldıń birgeliktegi arzası tiykarında);

- Nekeden ajırasqanlıqtı dizimge alıw (sud qararı menen);

- Ólimdi dizimge alıw;

- Akt jazıwların tiklew;

- Puqaralıq halatı akt jazıwların ózgertiw,  toltırıw;

- Familiya,  atı hám áke atın ózgertiw;

- Tákirarıy gúwalıqlar hám basqa maǵlıwmatnamalar beriw.

Agentler iskerligi kim tárepinen qadaǵalap barıladı?

Agentler tárepinen xızmet kórsetiw nızamshılıq hújjetlerinde ornatılǵan tártipte ámelge asırıladı.

Agent xızmetlerin kórsetiw Ózbekstan Respublikası Ádillik ministrligi janındaǵı Mámleketlik xızmetler agentliginiń birden-bir platforması sheńberinde ámelge asırıladı.

Agentler iskerligi Mámleketlik xızmetler agentligi tárepinen monitoring qılınadı.

Agent tárepinen nızamshılıq hújjetleri,  sonday-aq hákimshilik reglamentlerde názerde tutılǵan,  mámleketlik xızmetlerdi kórsetiw ushın tólemler (mámleketlik bajı,  jıyım,  tólem) usı hújjetlerde belgilengen tártipte bólistiriledi,  agenttiń pullı xızmetleri ushın ayrıqsha tólem tolıq túrde onıń ıqtıyarında qaladı.

Mámleketlik xızmetlerdi kórsetiw barısında agenttiń qátesi (ayıbı) sepebli wákillikli uyımlar tárepinen arza beriwshiniń arzasın kórip shıǵıwdan bas tartılǵan jaǵdayda,  arza beriwshi tárepinen sarıplanǵan barlıq tólemler muǵdarı agent esabınan qaplanadı.

Agent xızmetlerinen paydalanıw puqaralar hám isbilermenlik subektleri ushın jaratılǵan qolaylıqlardan biri bolıp tabıladı.

                          P.Reymkulov

Taxtakópir rayonı Mámleketlik xızmetler orayı direktorı