JAZÍWSHÍ MENEN USHÍRASÍW

Óziniń bahalı dóretpeleri menen xalqımızǵa belgili Qaraqalpaqstan xalıq jazıwshısı,  jurnalist hám alım Allanazar Ábdiev  penen oqıwshılardı jaqınnan tanıstırıw    maqsetinde  5-sanlı ulıwma orta bilim beriw mektebinde «Siz kútken insan» atamasında ushırasıw keshesi bolıp ótti.
Ushırasıw keshesine Respublika Ruwxıylıq hám aģartıw orayı rayonlıq bólimi baslıģı N.Azbergenov, xalıq bilimlendiriw bólimi sektor baslıģı  B.Utepbergenov, mádeniyat bólimi xızmetkerleri, mektep oqıtıwshıları hám oqıwshılar qatnastı.
Oqıwshılar   Allanazar   Ábdievti    balalarǵa   arnalǵan   dóretpeleri   arqalı      tanıytuǵın  bolsa,   endi    onıń    menen   júzbe-júz   kórisiw   baxıtına   miyassar   boldı.    
Ushırasıw miymanı A.Ábdiev   óziniń   basınan   keshirgen   waqıyalardı,   balalıq   dáwirlerinen gúrriń etip   berdi.    Oqıwshılar    ózlerin   qızıqtırǵan   sorawlarına   juwaplar   aldı.    «Gá   saz,   gá   sáwbet»   degenindey,   mádeniyat    bólimi    xızmetkerleri   tárepinen qoyıp berilgen koncert  baǵdarlaması  keshe qatnasıwshılarına jáne de yosh baǵıshladı.

Jadıra QUWANDÍQOVA
5-sanlı mekteptiń úgit-násiyatshısı