ASHÍQ SHÍNÍǴÍW ÓTKERILDI

4-sanlı mektepke shekemgi bilimlendiriw shólkemi 140 orınǵa mólsherlengen bolıp, búgingi kúni shólkemde balalarǵa tálim-tárbiya beriw jumısları alıp barılıp atır. Shólkemge  «Talant»  MCHJ tárepinen 2022-jılı kapital ońlaw jumısları tolıǵı menen islenip paydalanıwǵa tapsırıldı. 
Búgingi  kúnde shólkemde      6 tiykarǵı  toparda 130  hám 1 qısqa múddetli toparda  20,  jámi 150 tárbiyalanıwshı tárbiyalanıp atır. 
Jámi pedagog sanı-23,  sonnan joqarı maǵlıwmatlı 10 pedagog, orta maǵlıwmatlı 13 pedagog miynet etip kelmekte.
2023-jılı-«Insanǵa itibar hám  sapalı bilimlendiriw jılı»nda bizlerge tálim sapasın asırıw boyınsha  kóplegen juwapkershilik júkletildi. Shólkemde barlıq shárayatlar jaratılǵan, atap aytqanda keleshegimiz bolǵan perzenlerimizdi jol háreketi hám qáwipsizlik qaǵıydalarınan durıs paydalanıw maqsetinde «Jol belgileri bolǵan  svetafor, gilemshe, kepkalar, svistok,  jilet, velosiped hám mashinalar menen tolıq támiyinlendi. 
Usı maqset penen rejege tiykarlanıp toparlar arasında rayon kóleminde «Ashıq shınıǵıw»  shólkemlestirildi. Mektepke tayarlaw toparında shólkem psixologi  Lazzat Qıpshaqbaeva  «Balada biliw processlerin rawajlandırıw» boyınsha  tárbiyalanıwshılardıń oylawın, dıqqatın, este saqlaw, sóylewi boyınsha metodikalardan paydalanǵan  halda ashıq shınıǵıw ótti. II orta  topar tárbiyashısı Nargiza Pirlepesova hápte teması boyınsha «Ósimlikler menen  doslasamız»   temasında  balalarǵa ósimliklerdi qalay tárbiyalawımız, olarǵa ǵamxorlıq  miyneti boyınsha  keń  túsinik berdi. Úlken toparǵa   rayonlıq  IIB JXQT inspektorı, aǵa serjant Alibek Saparov hám topar  tárbiyashısı Toydıq Ormanbetova «Jol hareketi-ómir paydası» atlı  shınıǵıwdı  ótip,  jol qaǵıydaları  boyınsha  túsinikler berdi.
Ashıq  shınıǵıwǵa  rayon kólemindegi shólkemlerdiń barlıq pedagogları qatnasıp, ózlerin qızıqtırǵan sorawlarǵa  juwaplar aldı.

S.ABDINAYMOVA
4-sanlı mektepke shekemgi bilimlendiriw shólkemi direktorı