Fizikalıq shaxslardı Mobil-ID sistemasında identifikaciyalaw tártibi haqqında
Mobil-ID sisteması – interaktiv mámleketlik xızmetlerdi kórsetiwde paydalanıwshını dizimge alıw, identifikaciyalaw, autentifikaciyalaw, verifikaciyalaw hám uyımlararalıq elektron birge islesiwde paydalanıwshılar menen baylanıstı támiyinlewge mólsherlengen mobil telefon nomerine baylanısqan identifikaciya sisteması bolıp esaplanadı.
Mobil-ID sistemasında identifikaciyadan ótiw ushın múrájat etken paydalanıwshılardıń biometriyalıq maǵlıwmatların jıynaw, olardı Mobil-ID sistemasında identifikaciyadan ótkeriw wazıypaların atqarıwshı mámleketlik xızmetler orayları hám notarial uyımlar esaplanadı.
Paydalanıwshılar Mobil-ID sistemasında identifikaciyadan ótiw ushın Ministrler Kabinetiniń 2022-jıl 12-apreldegi 177-sanlı qararına muwapıq biriktirilgen fizikalıq shaxstıń jeke identifikaciya nomerine hám Ózbekstan Respublikasında telekommunikaciyalar tarawında tiyisli licenziyaǵa iye bolǵan mobil baylanıs operatorına iye bolıwı kerek.
Paydalanıwshı bir neshe mobil telefon nomerlerine iye bolǵanda onıń tańlawına tiykarlanıp tek ǵana bir mobil telefon nomeri Mobil-ID sistemasında identifikaciyadan ótkeriledi.
Mobil-ID sisteması arqalı identifikaciyalaw yuridikalıq táreplerge qollanılmaydı.
Paydalanıwshılar Mobil-ID sistemasında identifikaciyadan ótkennen soń "Tastıyıqlanǵan paydalanıwshı" statusın aladı hám barlıq elektron mámleketlik xızmetlerden paydalanıwı múmkin, kreditlew tarawında kórsetiletuǵın finanslıq xızmetler buǵan kirmeydi.
Mobil-ID sistemasında identifikaciyalaw hám qayta identifikaciyadan ótiw:
tikkeley maǵlıwmatlardı jıynaw punktine kelip múrájat etkende 2022-jıl 31-dekabrge shekem tólem óndirilmesten, 2023-jıl 1-yanvardan baslap bazalıq esaplaw muǵdarınıń 2 procenti muǵdarında tólem óndirilgen halda amelge asiriladi.
BBMXPnıń mobil qosımshası arqalı múrájat etilgende biypul ámelge asırıladı.
Mobil-ID sisteması "Elektron húkimet" sisteması paydalanıwshıların identifikaciyalaw boyınsha birden-bir málimleme sistemasınıń quramlıq bólegi esaplanadı.
Kamiljan ERJANOV
Taxtakópir rayonlıq Mámleketlik xizmetler orayi xizmetkeri
