Eндиги таза суў "Кендирли"ге

Тахтакөпир районының ҳәр бир аўылына душытылған таза ишимлик суўларын бериўши ЭКОСлар орнатылмақта. Бүгин Өзбекстан Республикасы Олий Мажлиси сенатының басламасы менен "Қоңыраткөл" АПЖ аймағындағы "Кендирли" аўылына да жаңа ЭКОС үскенеси алып келинди. Район ҳәкими Ж.Адиловтың басшылығында Өзбекстан Республикасының  Тәжикстан Республикасындағы Айрықша ҳәм толық елшиси Э.Шаисматов, Өзбекстан Экологиялық партиясы илимий ислеп шығарыў орайы инновацион экотехнопарки баслығы, академик С.Мансуров, Өзбекстан Экологиялық партиясы Қарақалпақстан Республикасы партия шөлкеми Кеңеси баслығы А.Бегимовалар "Кендирли" ауылында болды.

Жаңа үскенени аўыл халқының үлкен қуўаныш пенен қарсы алыўының гүўасы болды. 
Әлбетте, үскене орнатылып иске түскеннен соң "Кендирли"деги 100 ге шамалас халықтың және бир баслы әрманы орынланады. Әсиресе, келешемиз болған балаларымыз үйде, балалар бақшасы менен мектебинде таза ишимлик суўынан пайдалана алады.

Тахтакөпир районы ҳәкимлиги мәлимлеме хызмети