БАЙРАМ АЛДЫ ҚАБЫЛЛАЎ

Елимиздеги дене тәрбия ҳәм спортқа деген итибар жасларымызға үлкен майданларда өзлериниң имканиятларын сынаў ушын қол келип атыр.

Әсиресе усы жылдың өзинде спортшы қызлардың ерискен табыслары мақтаныўға ылайық. Олар: 2-санлы мектептиң оқыў-шысы Айжамал Жумамуратова спорттың «Туран» жеке гүреси бойынша Нөкис қаласында өткерилген Өзбекистан чемпионатында 1-орынды, 11-санлы мектептиң оқыўшысы Шахноза Оразбаева усы жарыста 3-орынды, 9-санлы мектептиң оқыўшысы Шахноза Ҳабипназарова спорттың «Ўзбек жанг санъати» түри бойынша Ташкент қаласында өткерилген Өзбекистан чемпионатында 3-орынды ийеледи.

Жақында наўрыз байрамы қарсаңында бул спортшы қызлар район ҳәкиминиң қабыллаўында болды.

Муҳаббат  ИЗИМБЕТОВА