Қытайдан келген үскенелер ямаса екинши жәрдем

Өзбекстан Республикасының Қытай Халық Республикасындағы елшиханасы тәрепинен (Айрықша ҳәм толық елшиси Б.Саидов) Тахтакөпир районлық медицина бирлеспесине замангөй үскенелер тапсырылды.  Район ҳәкиминиң орынбасары, инвестиция ҳәм сыртқы саўда бөлими баслығы Қуўат Дәрибаев медицина бирлеспесине туўыў үйинде дүньяға келген нәрестелер ушын пайдаланатуғын арнаўлы үскенелерди табыс етти.

Буннан алдын хабар бергенимиздей, Қытайдан алып келинген  инглис ҳәм рус тили пәнлеринен еситиў арқалы түсиниўди раўажландырыў  мақсетиндеги лингафон үскенелери райондағы 3-санлы қәнигелестирилген мәмлекетлик орта мектебине тапсырылған еди.

Тахтакөпир районы ҳәкимлиги Мәлимлеме хызмети