Festival sheńberindegI tańlaw

Ózbekstan Respublikası Prezidentiniń 2019-jıl 30-sentyabrdegi  PQ-4467-sanlı tiyisli qararın orınlaw maqsetinde  oqıwshılardıń bos waqıtların mazmunlı ótkeriwdi támiyinlew, olardıń mádeniyat hám kórkem óner, turizm hám til úyreniw, informaciya texnologiyaları hám sport baǵdarlarındaǵı  qızıǵıwshılıqların rawajlandırıw boyınsha «Bárkamal áwlad» balalar mektebi  tárepinen “Bárkámal áwlad balaları” festivalı shólkemlestirildi. Festival sheńberinde:
mádeniyat hám kórkem-óner baǵdarı boyınsha lipaslar dizayni;
texnikaliq konstruktorlıq hám modellestiriw baǵdarınan robototexnika;
ónermentshilik hám qol miyneti baǵdarınan milliy kesteshilik;
turizm hám ekologiya baǵdarınan  lanshaft dizayn; 
joqarı oqıw ornı hám mektepke tayarlaw baǵdarınan mental arifmetika;
dene tárbiya hám sport baǵdarınan shaxmat boyınsha 11-14 jastaǵı er balalar arasında; 
shet tiller baǵdarınan inglis tilinen 14-16 jas arasında tańlaw ótkerildi. 

Tańlaw juwmaǵında jeńimpaz bolǵan oqıwshılar diplom hám estelik sawǵalar menen sıylıqlandı.
Salamat Uteniyazov
Rayonlıq  «Bárkamal áwlad» balalar mektebi direktorı