Мámleketlik xÍzmetler xalÍqtÍń iygiligi ushÍn
Ózbekstan Respublikası Ministrler Kabinetiniń 2023-jıl 27-noyabr kúngi 627-sanlı qararı menen tastıyıqlanǵan Reglamentke muwapıq óz aldına turaq-jaydı (kvartira, úy, kvartiranıń yamasa úydiń bir bólegin) menshiklestiriwge razılıq bergen shaxslar haqqında maǵlıwmattı beriw boyınsha mámleketlik xızmetler kórsetiw tártibi belgilendi.
Óz aldına turaq-jay, kvartiranı menshiklestiriwge razılıq bergen shaxslar haqqında maǵlıwmatnama beriw boyınsha mámleketlik xızmeti Mámleketlik xızmetler orayı tárepinen hám Birden-bir ınteraktiv mámleketlik xızmetler portalı (keyingi orınlarda- BBIMXP) arqalı wákillikli uyım menen birgelikte kórsetiledi.
Mámleketlik xızmetler orayı, BBIMXP hám wákillikli uyım ortasında maǵlıwmat almasıwı mekemelerara elektron sistemalar arqalı 1 jumıs saatı dawamında ámelge asırıladı.
Usı Reglament notariattıń aktiv modeli sheńberinde notariuslar tárepinen «bir ayna» principi boyınsha menshiklestirilgen turaq-jaydı basqa shaxsqa ótkeriw shártnamasın notarial tastıyıqlawda menshiklestiriwge razılıq bergen shaxslar haqqında maǵlıwmat alıwǵa qollanılmaydı.
Arza beriwshi mámleketlik xızmetten paydalanıw ushın Mámleketlik xızmetler orayına ózi kelip múrájat etedi yamasa mámleketlik xızmetlerden elektron formada paydalanıw ushın BBIMXPda dizimnen ótedi.
Arza beriwshi ózi kelip múrájat etkende - Mámleketlik xızmetler orayı xızmetkeri arza beriwshi atınan, BBIMXP arqalı múrájat etkende bolsa - ǵárezsiz túrde sorawnamanı elektron tárizde toltıradı.
Sorawnamaǵa tómendegi hújjetler qosımsha etiledi:
óz aldına turaq-jay, kvartira múlik iyesi ekenligin tastıyıqlaytuǵın hújjet;
múlk iyesiniń shańaraq aǵzası bolǵanda, bul faktti tastıyıqlaytuǵın hújjet (múlikke iyelik etiw huqıqın tastıyıqlaytuǵın hújjet penen birge);
wákildiń wákilligin tastıyıqlaytuǵın isenim xatı.
Sorawnama toltırılǵannan keyin arza beriwshi maǵlıwmatlardıń tuwrılıǵın tekserip, sorawnamanı identifikaciya etiwdıń zamanagóy quralları (mobil-ID sisteması, elektron sanlı qol tańba, daktiloskopiya hám basqalar) menen tastıyıqlaydı.
Wákillikli uyım kelip túsken sorawnamanı 1 jumıs saatı dawamında kórip shıǵadı.
Wákillikli uyım tárepinen sorawnamada kemshilikler anıqlanǵanda, olardı saplastırıw ushın tiyisli túsindirmeler menen Mámleketlik xızmetler orayına, BBIMXP arqalı múrájat etilgende-arza beriwshige qaytaradı.
Wákillikli uyım tárepinen sorawnamanı tekseriw processinde kemshilikler anıqlanbasa, maǵlıwmattı Mámleketlik xızmetler orayına, BBIMXP arqalı múrájat etilgende-arza beriwshige jiberiledi.
Mámleketlik xızmet kórsetkenligi ushın jıyım pulı óndirilmeydi.
Bul reglament 2024-jıl 1-iyuldan baslap kúshke kiredi.
Pazılbek REYIMKULOV
Rayonlıq Ádillik bólimi
Mámleketlik xızmetler orayı direktorı
