ISENIM XATTÍ RÁSMIYLESTIRIW TÁRTIBI

Avtotransport qurallarín basqaríw huqíqín beriwshi isenim xatın elektron túrde rásmiylestiriw ushın  arza beriwshi Birden-bir interaktiv mámleketlik xızmetler  portalınan dizimnen ótedi hám  reglament penen tastıyıqlanǵan sorawnamanı elektron túrde ǵárezsiz toltıradı.
Isenim xatı “Notarius” AAT arqalı dizimge alınadı.
Bunda isenim xatqa kirgiziletuǵın shaxslar sanına sheklew qoyılmaydı.
Sorawnamaǵa kirgizilgen maǵlıwmatlardıń haqıyqıylıǵı wákillikli uyımlardıń xabar sistemaları járdeminde avtomat  túrde tekseriledi hám jiberiledi.
Arza beriwshi sorawnama tuwrı toltırılǵanlıǵın tekseredi hám maǵlıwmatlar tuwrılıǵına isenim payda etkennen keyin onı tastıyıqlaydı.
Sorawnama maǵlıwmatlarında arza beriwshi yamasa isenim xatqa kirgizilgen shaxs(lar) maǵlıwmatları wákillikli organlardıń xabar sistemaları járdeminde anıqlanbaǵanda, bul haqqında arza beriwshi elektron formada eskertiledi.
Isenim xattı rásmiylestiriwden tómendegi jaǵdaylarda bas tartıladı:
sorawnamaǵa reglamenttıń 8-bantinde názerde tutılǵan talaplarǵa tuwrı kelmeytuǵın maǵlıwmatlar kirgizilgende;
 arza beriwshi hám isenim xatı berilip atırǵan shaxs bir shaxs bolǵanda;
 sorawnamaǵa kirgizilgen maǵlıwmatlar olardı usınıwǵa wákillikli organlardıń xabar sistemaları arqalı avtomat túrde tekserilip, tastıyıqlanbaǵanda.
Sorawnamaǵa kirgizilgen maǵlıwmatlardıń tuwrılıǵı wákillikli organlardıń xabar sistemaları járdeminde tastıyıqlanǵanda, arza beriwshige elektron tólem (invoys) qáliplestiredi.
Isenim xatın elektron formada rásmiylestiriw ushın mámleketlik bajı onıń ámel etıw múddetinen kelip shıqqan halda, Ózbekstan Respublikasınıń “Mámleketlik bajı haqqında”ǵı Nızamında isenim xatın notarial tastıyıqlaw ushın belgilengen mámleketlik bajıǵa salıstırǵanda tómendegi procentlerde óndiriledi:
bir ayǵa shekem bolǵan múddetke-BEMnıń 10 procenti;
bir aydan artıq hám altı ayǵa shekem bolǵan múddetke- BEMnıń 50 procenti; 
altı aydan artıq hám úsh jılǵa shekem bolǵan múddetke- BEMnıń 100 procenti.
Mámleketlik bajı isenim xatı rásmiylestiriliwinen aldın tólenedi.
Arza beriwshiniń ayıbı menen isenim xatı nadurıs rásmiylestirilgende yamasa oǵan kirgizilgen shaxs (lar) haqqında maǵlıwmatlarda qátelik bolıp, isenim xatı elektron rásmiylestirilgen jaǵdaylarda  tólengen mámleketlik bajı qaytarılmaydı.
Mámleketlik bajı tólemi ámelge asırılǵanlıǵı xabar sistemaları arqalı tastıyıqlanadı.
I hám II topar mayıplıǵı bolǵan shaxslarǵa mámleketlik bajını tólewde 50 procent muǵdarında shegirme qollanıladı.
Sorawnama arza beriwshi tárepinen tastıyıqlanıp, mámleketlik bajı tolıq tolengennen keyin avtomat túrde dizimge alıw ushın “Notarius” AATǵa jiberiledi.
Sorawnamaǵa kirgizilgen maǵlıwmatlar “Notarius” AATda dizimge alınadı hám tastıyıqlanǵan forma boyınsha real waqıt rejiminde QR-kod (matrik shtrixlı kod) qoyılǵan isenim xatı qáliplestiriledi.
Isenim xatlarǵa izbe-izlikte tártip nomeri beriledi.
QR-kod (matrik shtrixlı kod) qoyılǵan isenim xatı real waqıt rejiminde arza beriwshiniń Birden-bir mámleketlik xızmetler portalındaǵı jeke kabinetine hám ol haqqındaǵı maǵlıwmatlar “Notarius” AAT arqalı Ishki isler ministrliginiń “Birden-bir avtomatlastırılǵan xabar sisteması”na elektron formada jiberiledi.
 “Notarius” AATda dizimge alınǵan (qáliplesken) isenim xatı isenim xatı berilip atırǵan shaxs(lar)tıń Birden-bir interaktiv mámleketlik xızmetler portalındaǵı jeke kabinetine (eger ámeldegi bolsa) jiberiliwi múmkin.
Elektron formada QR-kod (matrik shtrixlı kod) qoyılǵan halda rásmiylestirilgen isenim xatı notarial tastıyıqlanǵan isenim xatı menen birdey yuridikalıq kúshke iye esaplanadı.
Berilgen isenim xatlar haqqındaǵı maǵlıwmat “Notarius” AATda olardıń túri boyınsha bólek júrgiziletuǵın reestrǵe avtomat túrde kirgiziledi hám reestr qáliplestirilip barıladı.
Isenim xatınıń ámel etiw múddeti uzayttırılmaydı hám múddeti pitkennen keyin arza beriwshiniń qálewine bola tazadan rásmiylestiriliwi múmkin.

Pazılbek REYIMQULOV 
Rayonlıq ádillik bólimi mámleketlik xızmetler orayı direktorı