Siyosat "Дәўир"де көшпели қабыллаў өткерилди

"Дәўир"де көшпели қабыллаў өткерилди

0
"Дәўир"де көшпели қабыллаў өткерилди

Усы жылдың 23-июль күни Президентимиздиң басшылығында өткерилген “Халық мүрәжатлары менен ислесиў системасын түптен қайта қәлиплестириў ис-илажлары” бойынша кеңейттирилген видео мәжилисинде Президентимиз тәрепинен халықтың машқаласын шешиўде көплеген ўазыйпалар белгилеп берилген еди.

Белгиленген ўазыйпаларды шешиў мақсетинде Тахтакөпир районында секторлар тәрепинен пуқаралардың мүрәжатлары менен ислесиў, көшпели қабыллаўлар өткериў жумыслары даўам етип атыр.
Тахтакөпир районы ҳәкими Ж.Адилов басшылық еткен 1-сектор тәрепинен "Дәўир" мәкан пуқаралар аймағында жасаўшы пуқаралар менен көшпели қабыллаў шөлкемлестирилди.

Көшпели қабыллаў даўамында "Дәўир" МПЖ аймағында жасаўшы пуқаралардың бири Е.Кеўлимжаев тәрепинен ишимлик суў жеткерип бериў бойынша, А. Айтжанованың турақ жай менен тәмийинлеў, Г.Турсынова тәрепинен көше жолын оңлаўда жәрдем сораўы, М.Гулманова тәрепинен кондитер өнимлерин ислеп шығарыў үскенелерин алыў ушын жеңиллетилген кредит ажыратыў, Б.Нуралиева тәрепинен турақ жай ийелери шериклигинен қарыздарлығын бийкарлатыў, Р.Бердимуратовтың дәри-дармақтан жәрдем етиў туўралы мүрәжатлары үйренип шығылды. Мүрәжатларда көтерилген машқалалардың унамлы шешимин табыўы бойынша жуўапкер мәкеме басшыларына көрсетпелер берилди.

Ҳәзир 1-сектор тәрепинен көшпели қабыллаў "Атакөл" аўыл пуқаралар жыйынында даўам етип атыр.

Тахтакөпир районы ҳәкимлиги мәлимлеме хызмети