Жаңа технологиялар енгизилиўде

Тахтакөпир районындағы «Досым шеге» фермер хожалығында «Аўыл хожалығында суў үнемлеўши технологияларды енгизиў, тамшылатып, жамғырлатып ҳәм дискетли суўғарыў технологиялары менен танысыў, быйылғы бәҳәрги атыз жумысларына қатнасатуғын аўыл хожалығы техника ҳәм агрегатларды ремонтлаў жумыслары бойынша» көргизбели семинар-кеңес болып өтти.

Семинар-кеңеске республикалық аўыл, суў хожалығы министрликлери, район ҳәкиминиң аўыл ҳәм суў хожалығы мәселелери бойынша орынбасары, коммерциялық банклер, пахта- ғәллешиликке қәнигелестирилген фермер хожалықлары баслықлары менен барлық аўыл хожалығы қәнигелери қатнасты.
Районда 2021-жылы 15 фермер хожалықларында жәми 1060 гектар майданға суў үнемлеўши технологияларды енгизиў режелестирилди. Соннан 560 гектар майданда тамшылатып суўғарыў технологиясы ҳәм 500 гектар майданда ийилиўшең қубырларды енгизиў режелестирип алынды. 

Тахтакөпир районы ҳәкимлиги Мәлимлеме хызмети